Misingi ya Sheria ya haki
1) Sheria ya haki inajumuisha utambuzi na uratibu wa haki za kimsingi za raia wote nchini Tanganyika, na ni kipengele muhimu katika utawala wa kidemokrasia. Inathibitisha haki ya watu wote nchini kuishi kwa uhuru, kwa usawa na kwa heshima.
2) Serikali ina wajibu wa kuheshimu, kukuza, kulinda na kutimiza haki zote zilizoorodheshwa katika, au zinazotarajiwa kuwa, sehemu ya Sheria ya haki za Katiba hii.
3) Kutakuwa na mipaka, yaliyoainishwa chini ya Katiba hii, ili kila raia aweze kufurahia haki zote chini ya Sheria ya haki.

Matumizi na tafsiri ya Sheria ya haki
1) Sheria ya haki itatumika pamoja na sheria zote na kuheshimiwa bila masharti na vyombo vyote vya serikali, pamoja na bunge, mtendaji, na mahakama.
2) Sheria ya haki inamhusu, na kulazimu raia wote kuuheshimu, kiasili na kisheria.
3) Katika kutumia Sheria ya haki, mahakama zitazingatia mambo kadhaa, kama vile.

a. Nia ya kutenda haki, maslahi ya umma, na haki zote za kimsingi kama ilivyoainishwa katika sheria na makubaliano ya kimataifa zinazohusu haki za binadamu na vyombo vingine vinavyojishughuisha na haki za binadamu.
b. Kuzingatia mipaka iliyowekwa juu ya kupata haki kwa mujibu wa Ibara ( ---) ya Katiba hii.

Usawa mbele ya sheria
1) Watu wote wamezaliwa huru na wana haki sawa mbele ya sheria.
2) Kila mtu ana haki ya kulindwa sawa na sheria.
3) Usawa ni pamoja na kufurahia kikamilifu na sawa haki zote na uhuru uliowekwa chini ya, au unaotarajiwa kuwa chini ya, Katiba hii.

Uhuru kutoka kwa ubaguzi
1) Ni marufuku kwa mtu yeyote kubaguliwa kwa kunyimwa haki zake kwa njia yoyote iwe moja kwa moja ama la, kwa sababu yoyote ile, kwa kutumia vigezo kama vile rangi ya ngozi, jinsia, ujauzito, hali ya ndoa, asili ya kabila au kijamii, umri, ulemavu, dini, dhamiri, imani, utamaduni, lugha na mahali alipozaliwa.
2) Ni marufuku kwa mtu yeyote kubaguliwa na serikali, mtu au watu bianfsi pamoja na mamlaka yoyote, kwa njia yoyote ile, kwa vigezo vyoyote vilivyoainishwa katika kifungu kidogo cha (1) hapo juu.

Utu wa binadamu
1) Kila mtu ana utu wa asili na haki ya kuheshimiwa na kulindwa utu wake.
2) Watu wote watalindwa dhidi ya mateso, ukatili, matendo ya kinyama au adhabu ya kudhalilisha na kumtweza.

Haki ya kuishi
Kila mtu ana haki ya asili na isiyoweza kupuuzwa ya kuishi.

Haki ya uhuru na usalama wa mtu
1) Kila mtu ana haki ya kuishi kwa uhuru na kwa usalama.
2) Haki ya uhuru na usalama wa mtu ni pamoja na haki ya:

a. kutonyimwa uhuru kiholela;
b. kutowekwa kizuizini bila kesi ya haki mahakamani na kwa wakati unaofaa; na
c. kuwa huru kutoka aina zote za vurugu na bugudha;

3) Kila mtu ana haki ya kuwa na maamuzi juu ya mwili, hisia na saikolojia yake.
4) Haki hii kuhusu maamuzi juu ya mwili na saikolojia ya kila mtu binafsi ni pamoja na:

a. kufanya maamuzi kuhusu uzazi;
b. kulinda usalama na udhibiti wa mwili wake; na
c.kutofanyiwa majaribio ya matibabu au kisayansi bila idhini na taarifa kamili.

Uhuru kutoka utumwa, utumikishwaji na kazi ya kulazimishwa
Kila mtu ana haki ya uhuru kutoka utumwa, utumikwishaji na kazi ya kulazimishwa.

Faragha
Kila mtu ana haki ya faragha, ambayo ni pamoja na kinga dhidi ya:

a. mali zake, nafsi yake au nyumba yake kupekuliwa bila kufuata taratibu za kisheria;
b. mali zake kukamatwa bila utaratibu na kuzingatia msingi wa haki; na
c. faragha ya mawasiliano yake kukiukwa.

Uhuru wa dini, imani na maoni
1) Kila mtu ana haki ya uhuru wa dhamira, dini, mawazo, imani na maoni.
2) Maadhimisho ya kidini katika taasisi za serikali au vyombo vvya mamlaka yanaruhusiwa kwa kiwango ambacho:

a. Wanafuata sheria zilizotungwa na mamlaka ya umma inayofaa;
b. Zinafanywa kwa usawa; na
c. Kuhudhuria kwao ni kwa hiari na bila shurti.

Uhuru wa kujieleza
1) Kila mtu ana haki ya uhuru wa kujieleza, ambayo ni pamoja na:

a. Uhuru wa kujieleza
b. Uhuru wa vyombo vya habari na vyombo vingine vya habari;
c. Uhuru wa kupokea, kusambaza au kutoa habari au mawazo;
d. Uhuru wa ubunifu wa kisanii; na
e. Uhuru wa kitaaluma.

2) Haki katika kifungu kidogo cha (1) haitahusishwa kwenye:

a. propaganda za vita;
b. uchochezi wa vurugu zinazokaribia; au
c. utetezi wa ubaguzi kinyume na Ibara ya Katiba hii.

Uhuru wa kukusanyika, maandamano, mgomo na wito
Kila mtu ana haki, kwa amani na bila silaha, kukusanyika, kuandamana, kugoma na kuwasilisha malalamiko kwa mamlaka yoyote.

Uhuru wa kujumuika
Kila mtu ana haki ya uhuru wa kujumuika, ikiwa ni pamoja na haki ya kuunda kwa uhuru na/au kujiunga na chama cha asili ya kisiasa, biashara, kitaaluma au kijamii.

Haki za kisiasa
1) Kila raia yuko huru kufanya shughuli za kisiasa, ambayo ni pamoja na haki ya: -

a. kuunda chama cha siasa;
b. kushiriki katika shughuli za, au kusajili wanachama kwenye, chama cha siasa; na
c. kampeni ya chama cha siasa, harakati au lengo lolote la kisiasa.

2) Kila raia ana haki ya uchaguzi huru, wa haki na wa amani ulioanzishwa kwa mujibu wa Katiba.
3) Kila raia ambaye amefikia umri halali ya kuwa mtu mzima ana haki:

a. kupiga kura katika uchaguzi wa chombo chochote cha kutunga sheria kilichoanzishwa kwa mujibu wa Katiba, na kufanya hivyo kwa siri; na
b. kugombea ofisi ya umma na, ikiwa atachaguliwa, kushikilia ofisi.

Uraia
Kila raia atakuwa na haki ya uraia na ana haki ya pasipoti iliyotolewa na serikali, cheti cha kuzaliwa na kitambulisho cha kitaifa.

Uhuru wa kutembea na makazi
1) Kila mtu ana haki ya uhuru wa kutembea.
2) Kila mtu ana haki ya kuondoka Tanganyika.
3) Kila raia ana haki ya kuingia, kubaki ndani na kuishi popote nchini Tanganyika.

Haki ya kufanya kazi na mahusiano ya kazi
1) Kila mtu ana haki ya kufanya kazi.
2) Kila mtu ana haki ya kupata hifadhi za haki zake za ajira.
3) Kila mfanyakazi ana haki ya kupata malipo ya haki na stahiki.
4) Kila mfanyakazi ana haki ya:

a. kuunda na kujiunga na chama cha wafanyakazi;
b. kushiriki katika shughuli na programu za chama cha wafanyakazi; na
c. kugoma.

5) Kila mwajiri ana haki

a. kuunda na kujiunga na chama cha waajiri; na
b. kushiriki katika shughuli na programu za chama cha waajiri.

6) Kila chama cha wafanyakazi na chama cha waajiri ina haki

a. kuamua utawala, mipango na shughuli zake;
b. kujikusanya; na
c. kuunda na/au kujiunga katika shirikisho.

7) Kila chama cha wafanyakazi, chama cha waajiri na mwajiri ana haki ya kushiriki katika utaratibu wa mazungumzo ya pamoja.
8) Serikali lazima itoe kila mwaka ripoti ya maendeleo ya sekta ya ajira kama sehemu ya kutambua haki ya kufanya kazi.
Kufurahia haki zilizoainishwa kama haki za kijamii na kiuchumi 9) Kila mtu ana haki ya kufurahia haki zote zilizoainishwa au kuanguka katika uainishaji wa haki za kijamii na kiuchumi.
10) Serikali lazima ichukue hatua zinazofaa za kisheria na zingine, ndani ya rasilimali zake zilizopo, ili kufikia utambuzi wa kimaendeleo wa kila moja ya haki zilizomo katika kifungu hiki.

Haki ya mazingira safi na salama
Kila mtu ana haki ya:
1) Kuishi katika mazingira safi, salama na yenye afya; na
2) Kulindwa katika mazingira haya kwa:

a. kuzuia uchafuzi wa mazingira na uharibifu wa ikolojia;
b. kukuza uhifadhi; na
c. Kupata maendeleo endelevu ya kiikolojia na matumizi ya maliasili wakati wa kukuza maendeleo ya kiuchumi na kijamii yanayohalalishwa.

Mali
1) Kila mtu ana haki ya kumiliki mali ndani ya Tanganyika
2) Hakuna mtu anayeweza kunyimwa mali isipokuwa katika kutekeleza amri halali na ya haki, na hakuna sheria inayoweza kuruhusu kunyimwa mali kiholela.
3) Mali kama vile ardhi inaweza kunyakuliwa:

a. kwa madhumuni ya umma au kwa maslahi ya umma; na
b. Kulingana na fidia ya haraka, ya haki, ya wakati na inayofaa.

4) Fidia lazima iwe ya wakati unaofaa, ya haki na ya usawa, ikionyesha usawa kati ya maslahi ya umma na maslahi ya wale walioathirika, kwa kuzingatia:

a. matumizi ya sasa ya mali; b. historia ya upatikanaji na matumizi ya mali;
c. thamani ya soko ya mali;
d. kiwango cha uwekezaji wa moja kwa moja wa serikali na ruzuku katika upatikanaji na uboreshaji wa mtaji wa faida wa mali; na
e. madhumuni ya unyakuzi.

5) Kwa madhumuni ya Kifungu hiki:

a. maslahi ya umma ni pamoja na kujitolea kwa taifa katika mageuzi ya umiliki wa ardhi na upatikanaji wa ardhi kwa ajili ya kuendeleza uwekezaji wa umma na maendeleo ya miundombinu; na
b. mali sio tu kwa ardhi.

6) Serikali lazima ichukue hatua zinazofaa za kisheria na zingine, ndani ya rasilimali zake zilizopo, kukuza hali zinazowawezesha raia kupata upatikanaji sawa wa ardhi.

Haki ya makazi
1) Kila mtu ana haki ya kupata makazi mazuri, ya bei nafuu na ya kutosha.
2) Serikali lazima ichukue hatua zinazofaa za kisheria na zingine, ndani ya rasilimali zake zilizopo, ili kufikia utambuzi wa kimaendeleo wa haki ya makazi.
3) Hakuna mtu anayeweza kufukuzwa kiholela kutoka kwa nyumba yake au kubomolewa nyumba yake.

Huduma za afya, chakula, maji na usalama wa kijamii
1) Kila mtu ana haki ya kupatiwa:

a. huduma za afya kwa bei nafuu, pamoja na huduma ya afya ya uzazi;
b. chakula cha kutosha na
c. maji salama na safi; na
d. usalama wa Jamii na Usaidizi.

2) Hakuna mtu anayeweza kukataliwa matibabu na huduma ya dharura.

Haki ya watoto
1) Mtoto ni mtu chini ya umri wa miaka 18
2) Kila mtoto ana haki:

a. Kuwa na jina na utaifa tangu kuzaliwa kwake;
b. kupata utunzaji wa familia au utunzaji wa wazazi, au kwa utunzaji mbadala unaofaa (kutoka jamii);
c. kupata lishe ya kimsingi, malazi, huduma za msingi za afya na huduma za kijamii;
d. kulindwa kutokana na unyanyasaji, kutengwa, na aina zote za unyanyasaji au udhalilishaji;
e. kulindwa kutokana na tamaduni hatari na udhalilishaji ambay:

i. haifai kwa umri wa mtoto; au
ii. inaweza kudhuru ustawi wa mtoto, elimu, afya ya kimwili au akili au maendeleo ya kiroho, kimaadili au kijamii;

f. kutowekwa kizuizini, isipokuwa kama hatua ya mwisho, na kwa muda mfupi unaofaa, ambapo mtoto:

i. atatengwa na wafungwa walio zaidi ya umri wa miaka 18; na
ii. kuhifadhiwa na kuwekwa katika mazingira ambayo inazingatia maslahi bora ya mtoto;

g. kuwa na uwakilishi wa kisheria kutoka serikali katika kesi zote zinazomhusu mtoto; na
h. kutotumiwa moja kwa moja, na kulindwa wakati wa migogoro ya kivita au ya kutumia silaha.

3) Maslahi bora ya mtoto ni muhimu sana katika kila jambo linalomhusu mtoto.

Haki ya vijana
1) Kila kijana ana haki ya kushiriki kikamilifu katika shughuli za maendeleo za Tanganyika na jamii kwa ujumla, na kwa ajili hiyo, Serikali ya Tanganyika na jamii itahakikisha kwamba vijana wanafurahia mazingira mazuri ili wawe raia wema ambao watashiriki kikamilifu katika masuala ya kisiasa, kiuchumi, kijamii na kitamaduni ya nchi.
2) Kwa madhumuni ya kifungu kidogo cha (1), Bunge litatunga sheria inayosimamia, pamoja na mambo mengine, uanzishwaji, muundo, kazi na uendeshaji wa Baraza la Kitaifa la Vijana.

Haki za watu wenye ulemavu
Mtu mwenye ulemavu ana haki ya:

a) kuheshimiwa, kutambuliwa na kutendewa kwa njia ambayo haipunguzi utu wao ikiwa ni pamoja na ubaguzi, uonevu, vurugu na mazoea hatari ya jadi;
b) kupata mafunzo katika matumizi ya vifaa maalum ili kuwawezesha kushiriki katika shughuli za kijamii;
c) kuwa na miundombinu na mazingira ambayo yanamruhusu kwenda popote anapotaka, kutumia vifaa vya usafirishaji na kupata habari;
d) tumia lugha za ishara au lugha ya maandishi kwa msaada wa vifaa maalum au njia zingine zinazofaa;
e) kupata ajira na kazi; na
f) upatikanaji wa huduma za afya, uzazi salama, urejesho na ujumuishaji.

Haki za jamii ya watu wa asili
1) Wenyeji wa Tanganyika wanatambuliwa chini ya Katiba hii, na kwa sababu hiyo, wataamriwa na haki za kuwepo bila kuingiliwa ndani ya maeneo yao, kutambuliwa, na kutekeleza utamaduni wao, mtindo wao wa maisha, utamaduni, na lugha yao.
2) Mamlaka ya ardhi kulingana na rasilimali na uwezo wa nchi, itatoa masharti ya sheria ambayo yanawawezesha jamii ya watu wa asili:

a) kushiriki katika uongozi nchini;
b) kuwa na fursa maalum katika elimu kwa maendeleo ya uchumi na ajira; na
c) kupewa ardhi ambayo kwa jadi wanaishi na kupata kipato au kuzalisha chakula.

3) Serikali na mamlaka za ardhi zitachukua hatua za makusudi kukuza na kudumisha shughuli za kiuchumi na kuweka miundombinu ya utoaji wa makazi, elimu, maji na huduma za matibabu kwa vizazi vya sasa na vijavyo vya vikundi vya walio wachache katika jamii.

Haki za wanawake
1) Kila mwanamke ana haki ya:

a) kuheshimiwa, kuthaminiwa na utu wake kutambuliwa;
b) ulinzi dhidi ya ubaguzi, unyanyasaji, ukandamizaji, vurugu, unyanyasaji wa kijinsia na mazoea hatari ya jadi;
c) kushiriki katika uchaguzi na hatua zote za kufanya maamuzi bila ubaguzi;
d) kupata fursa ya ajira na kulipwa mshahara sawa na mwanamume;
e) ulinzi wa ajira yake wakati ni mjamzito na baada ya kujifungua;
f) kupata huduma bora za matibabu ikiwa ni pamoja na afya salama ya uzazi; na
g) kumiliki mali.

Haki za wazee
Wazee katika jamii ambao wamefikia umri wa miaka 65 watakuwa na haki ya:

a) Kuwa wanachama wa mfuko wa ulinzi wa jamii kutoka kwa serikali;
b) kushiriki katika masuala ya maendeleo ya jamii;
c) kuendeleza maisha yao kulingana na uwezo wao, pamoja na kufanya kazi;
d) kupata huduma za matibabu bila malipo;
e) kupewa ulinzi dhidi ya unyonyaji na vurugu ikiwa ni pamoja na mateso na mauaji;
f) kusafiri kwa kutumia vyombo vya usafiri wa umma kwa gharama nafuu; na
g) kutunzwa na kupokea msaada kutoka kwa familia zao, jamii na mamlaka ya ardhi.

Haki ya elimu
1) Kila mtu ana haki:

a. kwa elimu ya msingi, ikiwa ni pamoja na elimu ya msingi ya watu wazima; na
b. kuendeleza elimu, ambayo serikali, kupitia hatua zinazofaa, lazima ifanye ipatikane hatua kwa hatua, kupatikana bila vikwazo na kwa bei nafuu.

2) Kila mtu ana haki ya kupata elimu katika lugha rasmi au lugha anazozichagua katika taasisi za elimu za umma ambapo elimu hiyo inapatikana.
3) Ili kuhakikisha upatikanaji mzuri wa elimu kwa wote, serikali lazima izingatie njia mbadala zote zinazofaa za elimu, kwa kuzingatia:

a. Usawa;
b. utendaji; na
c. haja ya kurekebisha sheria na mazoea ya zamani ya kibaguzi.

4) Kila mtu ana haki ya kuanzisha na kudumisha, kwa gharama yake mwenyewe, taasisi huru za elimu ambazo

a. hazibagui kwa misingi ya rangi au ubaguzi wowote ule kwa mujibu wa ibara husika ya katiba hii;
b. zimesajiliwa na serikali; na
c. kudumisha viwango ambavyo sio duni kwa kuzingatia viwango katika taasisi za elimu za umma zinazolingana.

Haki ya hatua za kiutawala
1) Kila mtu ana haki ya kupitia hatua za kiutawala ambazo ni halali, zinazofaa, na zinazoendeshwa kwa haki.
2) Kila mtu ambaye haki zake zimeathiriwa vibaya na hatua za kiutawala ana haki ya kupewa sababu za maandishi, na ana haki ya ku mbele ya mahakama au jukwaa huru la maamuzi huru na lisilo na upendeleo.

Upatikanaji wa mahakama
Kila mtu ana haki ya kuwa na mzozo wowote ambao unaweza kuamuliwa kisheria kupitia kikao cha wazi na wa haki mahakamani au, inapofaa, kupitia mahakama maalum au jukwaa lingine huru na lisilo na upendeleo.

Haki ya watu waliokamatwa, waliozuiliwa na kushtakiwa (Haki ya mchakato unaofaa wa sheria)
1) Kila mtu anayekamatwa ana haki:

a. kukaa kimya;
b. kufahamishwa kwa lugha inyoeleweka mara moja kuhusu:

i.haki ya kukaa kimya; na
ii. matokeo ya kutokaa kimya;

c. kutolazimishwa kufanya kutubu au kukiri kosa lolote linaloweza kutumika kama ushahidi dhidi ya mtu huyo;
d. kuletwa mbele ya mahakama haraka iwezekanavyo, na iwe:

i. masaa isiyozidi 24 baada ya kukamatwa; au
ii. mwisho wa siku ya kwanza ya mahakama baada ya kumalizika ndani ya masaa 24, ikiwa masaa 24 yanaisha nje ya masaa ya kawaida ya mahakama au siku ambayo sio siku ya kawaida ya mahakama;

e. katika kesi ya kwanza ya mahakama baada ya kukamatwa, kushtakiwa au kufahamishwa juu ya sababu ya kuendelea kuwekwa kizuizini, au kuachiliwa; na
f.kuachiliwa kutoka kizuizini kwa dhamana.

2) Kila mtu ambaye amezuiliwa, pamoja na kila mfungwa aliyehukumiwa, ana haki:

a. kufahamishwa mara moja juu ya sababu ya kuwekwa kizuizini;
b. kuchagua, na kushauriana na, wakili wa kisheria na kufahamishwa juu ya haki hii mara moja;
c. kuwa na mwanasheria aliyepewa mtu aliyezuiliwa na serikali na kwa gharama ya serikali, ikiwa dhuluma kubwa ingetokea, na kufahamishwa juu ya haki hii mara moja;
d. kupinga uhalali wa kuwekwa kizuizini mbele ya mahakama na, ikiwa amewekwa kizuizini ni kinyume cha sheria, anatakiwa kuachiliwa;
e. kupewa masharti ya kuwekwa kizuizini ambayo yanalingana na utu wa binadamu, ikiwa ni pamoja na angalau mazoezi na huduma, kwa gharama ya serikali, malazi ya kutosha, lishe, nyenzo za kusoma na matibabu; na
f. kuwasiliana na, na kutembelewa na, mtu kwa vigezo vya:

i. ushauri wa kisheria;
ii. mwenza, ndugu au jamaa;
iii. jamaa wa karibu;
iv. mshauri wa kidini aliyechaguliwa; na
v. daktari aliyechaguliwa.

3) Kila mtuhumiwa ana haki ya kusikilizwa kwa haki, ambayo ni pamoja na haki ya:

a. kufahamishwa juu ya shtaka kwa maelezo ya kutosha ili kuweza kujibu;
b. kuwa na muda wa kutosha na vifaa vya kuandaa utetezi;
c. kuwa na kesi ya umma mbele ya mahakama ya kawaida;
d. kuwa na kesi ambayo inaanza na kuhitimishwa bila ucheleweshwaji usio wa lazima;
e. kuwepo wakati wa uendeshaji wa kesi;
f. kuchagua, na kuwakilishwa na, wakili wa kisheria, na kufahamishwa juu ya haki hii mara moja;
g. kuwa na wakili wa kisheria aliyepewa mtuhumiwa na serikali na kwa gharama ya serikali, ikiwa dhuluma kubwa ingetokea, na kufahamishwa juu ya haki hii mara moja;
h. kudhaniwa kutokuwa na hatia, kukaa kimya, na kutotoa ushahidi wakati wa kesi;
i. kutoa na kupinga ushahidi;
j. kutolazimishwa kutoa ushahidi wa kujitia hatia;
k. kuhukumiwa kwa lugha ambayo mtuhumiwa anaelewa au, ikiwa hiyo haiwezekani, kutafsiriwa kwa lugha hiyo;
l. kutohukumiwa kwa kitendo au upungufu ambao haukuwa kosa chini ya sheria ya kitaifa au ya kimataifa wakati ulipofanywa au haikuorodheshwa;
m. kutohukumiwa kwa kosa kuhusiana na kitendo au upungufu ambao mtu huyo hapo awali ali kwisha achiliwa huru au kuhukumiwa;
n. kupewa adhabu isiyo kali zaidi ya iliyowekwa ikiwa adhabu iliyowekwa kwa kosa imebadilishwa kati ya wakati ambao kosa lilifanywa na wakati wa hukumu; na
o. ya rufaa, au mapitio, au marekebisho ya hukumu kupitia mahakama ya juu.

4) Wakati wowote sehemu hii inahitaji habari itolewe kwa mtu, habari hiyo lazima itolewe kwa lugha ambayo mtu huyo anaelewa.
5) Ushahidi uliopatikana kwa namna ambayo inakiuka haki yoyote katika Sheria ya haki lazima uondolewe ikiwa kukubaliwa kwa ushahidi huo kutafanya kesi hiyo kuwa isiyo ya haki au vinginevyo kuwa na madhara kwa usimamizi wa haki.

Upungufu wa haki
1) Haki zote zilizowekwa chini ya sehemu ya Sheria ya haki katika Katiba hii zinakabiliwa na mipaka fulani, alomradi uwe mpaka wa kuridhisha, muhimu na kinachohalalishwa katika jamii ya kidemokrasia inayozingatia utu wa binadamu, usawa na uhuru, ikizingatia:

a. asili ya haki;
b. umuhimu wa madhumuni ya mpaka;
c. asili na kiwango cha mpaka;
d. uhusiano kati ya mpaka na madhumuni yake; na
e. njia rahisi zaidi ya kufikia lengo.

2) Isipokuwa kama ilivyoainishwa katika kifungu kidogo cha (1) au katika kifungu kingine chochote cha Katiba, hakuna sheria inayoweza kupunguza haki yoyote iliyowekwa katika Sheria ya haki.

Majimbo ya dharura
1) Rais wa Tanganyika anaweza kutangaza hali ya hatari pale tu:

a. maisha ya taifa yanatishiwa na vita, uvamizi, uasi wa jumla, machafuko, maafa ya asili au dharura nyingine ya umma; na
b. Tamko hilo ni muhimu ili kurejesha amani na utulivu.

2) Tangazo la hali ya hatari, na sheria yoyote iliyotungwa au hatua nyingine iliyochukuliwa kwa sababu ya tamko hilo, inaweza kuwa na ufanisi kwa sharti hizi tu:

a. kwa matazamio; na
b. kwa muda usiozidi siku 21 tangu tarehe ya tamko, isipokuwa Bunge la Kitaifa la Tanganyika likiamua kuongeza muda wa tamko hilo.
c. Bunge la Kitaifa la Tanganyika linaweza kuongeza tangazo la hali ya hatari kwa muda usiozidi miezi mitatu kwa wakati mmoja. Tangazo la kwanza wa hali ya hatari lazima uwe kwa azimio lililopitishwa kwa kura ya kuunga mkono ya walio wengi (51%) wa wajumbe wa Bunge. Upanuzi wowote unaofuata lazima uwe kwa azimio lililopitishwa kwa kura inayounga mkono angalau asilimia 60 ya wajumbe wa Bunge. Azimio kwa mujibu wa aya hii linaweza kupitishwa tu kufuatia mjadala wa umma katika Bunge.

3) Uhalali, upanuzi wa, na sheria iliyotungwa, hatua iliyochukuliwa au matokeo yanayotokana na au kuhusiana na kutangazwa kwa hali ya hatari yanaweza kupingwa mbele ya mahakama ya sheria yenye uwezo.
4) Sheria za hali ya dharura na matokeo yake yanaweza kukiuka Sheria ya haki tu kwa kiwango ambacho:

a. upungufu unahitajika sana na dharura; na
b. Sheria:

i. inaambatana na wajibu wa Tanganyika chini ya sheria za kimataifa zinazotumika kwa hali ya hatari;
ii. inachapishwa katika Gazeti la Serikali la kitaifa mara tu baada ya kutungwa.

5) Sheria juu ya hali ya hatari au hatua zinazofuata haziwezi kuruhusu au kuidhinisha :

a. kufidia serikali, au mtu yeyote, kuhusiana na kitendo chochote kisicho halali;
b. upungufu wowote kutoka kwa sehemu hii; au
c. upungufu wowote kutoka kwa haki zilizoainishwa kama haki zisizoweza kudharauliwa chini ya Katiba hii.

Haki zisizoweza kudharauliwa
Katiba hii inatambua orodha isiyoisha ya haki zisizoweza kudharauliwa, ikiwa ni pamoja na:

- uhuru kutoka kwa mateso, matendo ya kikatili na ya kinyama au ya kudhalilisha au adhabu kali;
- haki ya kuishi;
- haki ya kusikilizwa kwa haki;
- uhuru kutoka kwa utumwa na utumikwishaji; na
- haki ya amri au kuachiliwa kutoka kifungoni.

Utekelezaji wa haki
Mtu yeyote aliyeorodheshwa katika sehemu hii ana haki ya kuwasiliana na mahakama yenye uwezo, akidai kuwa haki yake katika Sheria ya haki imekiukwa au kutishiwa, na mahakama inaweza kutoa unafuu unaofaa, ikiwa ni pamoja na tamko la haki. Watu ambao wanaweza kufika mahakamani ni:

a. mtu yeyote anayejiwakilisha kwa maslahi yake mwenyewe;
b. mtu yeyote anayefanya kazi kwa niaba ya mtu mwingine ambaye hawezi kujiwakilisha;
c. mtu yeyote anayefanya kazi kama mwanachama wa, au kwa maslahi ya, kikundi au tabaka la watu;
d. mtu yeyote anayefanya kazi kwa maslahi ya umma; na
e. chama kinachofanya kazi kwa maslahi ya wanachama wake.

Tafsiri ya Sheria ya haki
Katika kutafsiri au kutoa maamuzi kuhusu haki iliyo chini ya Sheria ya haki, mahakama, au jukwaa la kisheria, lazima izingatie:

a. kukuza maadili ambayo ni msingi wa jamii iliyo wazi na ya kidemokrasia inayozingatia utu wa binadamu, usawa na uhuru;
b. sheria ya kimataifa; na sheria za kigeni.
c. kukuza faslafa, madai na malengo ya Sheria ya haki.
d. Kuhakikisha kwamba Sheria ya haki haukatai kuwepo kwa haki au uhuru mwingine wowote ambao unatambuliwa au kutolewa na sheria ya kawaida, sheria ya kimila au sheria iliyopitishwa na Bunge, ikiwa zinaendana na Sheria hii.